تصاميم مراييل المدرسه

السلام عليكم ورحمة الله وبركاته

هذا تصاميم مراييل المدرسه

اللي تم توزيعها بأخر يوم بالدراسة

أدري ما جبت شي جديد

حيث يكون اللون البني للمرحلة الثانوية

واللون الرمادي للمرحلة المتوسطة

تـــــــــــــحياتـــــــــــــي

وعليكم السلام ورحمة الله وبركاته

حلو موضوعك ღ Miss Beauty ღ ومثير

بس أنا ما أحب أفصل و أخيط المريول

نظراً في تلاعب كبير من قبل محلات الأقمشة بأسعار أقمشة المريول

حيث يقول المتر الواحد يتراوح قيمتها من 30 إلى 40 ريال

لأنهم عارفين مع بدء العد التنازلي لانتهاء الإجازة الصيفية، تستعد الأسر السعودية لاستقبال أسبوع العودة للمدارس

فيما يشتكي بعض الخياطيين من تزاحم أقمشة المراييل في الأسبوع الأخير من الإجازة،

والتي تتراوح قيمة تفصيلها ما بين 80 إلى 150 ريالا

أنا أحب المراييل الجاهزه أسهل لي

وما أجلس ساعات أدور بين محلات الأقمشه هذا قماش يعجبني وهذا مايعجبني

وأجلس أيام واتابع الخياط خلص ولا ماخلص

انا صراحه من المرحلة الأبتدائي إلى هذه المرحلة
مراييلي كلها جاهزه أختار القياس الي يناسبني و إذا مايناسبني أرجعه للمحل وابدلها بوحده تناسبني

ومؤخراً صرت ما أحب أروح محل المراييل الجاهزه نظراً لإزدحام الزبائن فتذهب أحياناً خالتي و أحياناً امي

ويختارون اللي تناسب لي مع ان خالتي تقول لازم تروحين وتختارين بنفسك المريول اللي تعجبك

خصوصاً انتي اللي بتلبسيناها وتكوننين لابستها لمدة ست ساعات في اليوم الواحد ( يعني تقصد ست حصص )

بس انا دائماً أقول لهم هذا مريول مهب فستان وانا ماأحب الأماكن الزحمه

وبعدين ذوق أهلى مره حلوه ويعرفون نوعية القماش الجيد من الردئ ويعرفون هذا قماش يحتاج إلى الكي بعد الغسيل ولا لا

يعني بالمختصر أنا أفضل الجاهز

لأن لو تبين تخيطين الحين مافي أقمشة للمراييل موجوده بالأسواق حالياً وصعب بالرمضان تنزليين بالأسواق وخاصة وقت صيام وصلاة تراويح

يعني مافي إلا بعد رمضان ويكون قدامك أيام معدودة قبل المدارس والجاهز نفس الشي ماتنزل بالأسواق إلا بعد رمضان

انا أتحاشى الطريقة الكلاسيكية في البحث عن القماش المناسب والخياط الذي يقبل تفصيل المريول خلال أيام معدودة.

هذا وجهة نظري
وتقبلي مروري

شكراً أختي سفيرة

على المرور العطر

و أعجبني وجهة نظرك وأظنها مقنعة

يسلموا على النقاش والحوار البناء

وفعلاً مثل ماقلتي

فيه تلاعب كبير و واضح من قبل محلات الأقمشة بأسعار أقمشة المريول

ولاتحرمينا من وجودك وتعليقاتك

وعليكم السلام ورحمة الله وبركاته

جذبني عنوان الموضوع ومشكوره ღ Miss Beauty ღ على التوضيح

وعجبني وجهة نظرك يا سفيرة

أما بالنسبة لي أنا تقريباً مثل الأخت سفيرة

فأنا نفس الشي مراييلي جاهزه

وماأحب أفصل

لإني أشوف معانات بعض البنات

لما يشترون أقمشة ويودونها عند الخياط وبعد أسبوع تحصلين الخياط داق عليها ويقول لها القماش مايكفي

وتشوفينها مسكينة تحوس و تدور من محل أقمشة لمحل حتى تحصل على نفس النوعية أو على الأقل نفس درجة اللون ويكون مقارب لنفس القماش اللي شرتها من قبل لإن المحل اللي شرت منها يقول لها خلص القماش اللي أخذتيه مني .

ولإن معروف محلات الأقمشة على طول الزبائن يخلصون الأقمشة في حدود اسبوع ويجيبون غيرها

ومعانات الثانية الخياطيين

اللي مريولها مفصل لما يجئ وقت الصلاة ماتقدر ترفع

أكمام مريول كامل لإن الخياط الله يهدية مضيقها

لكن خلوني أقول لكم بعض معاناتي صارت لي شخصياً في سنه من السنوات وتقريباً في المرحلة الإبتدائية

وطبعاً مثل ماقلت لكم مراييلي جاهزه

لكن مرة شريت مريول سحابه (لها مسميات مثل الزمام المنزلق السوسته المهم ) من الخلف وكنت بالمرحلة الإبتدائية وبدت معاناتي من أول يوم ماعرفت اسحب السحاب واسكره بسرعة

فكنت لازم أنادي على أخواتي علشان هالسحاب

وفي مره من المرات وكان الوقت شتاء وكنت مستعجله

ولبست المريول و أغلقت الكبسولة اللي قبل السحاب ونسيت السحاب مفتوح ولبست فوقها الكوت

طبعاً كنت ألعب بالمدرسة ولا حتى حسيت

لما رجعت البيت وفسخت الكوت أجلست أمي تضحك وتقول لي رحتي المدرسة والسحاب مفتوح ههههههههههه

بس الحمدلله اني مافسخت الكوت بالمدرسة

وفي مره سحبت السحاب بقوة وتسكرت على جلدي

ومره سحبتها بقوه ونشبت في القماش لدرجة ماتتحرك

ومره قمت متأخرة وتجهزت بسرعة وكان الباص يدق

ومن القوة سحبت السحاب بقوه انفرط السحاب وقمت أصيح والباص راح اضطررت وقتها أغيب ووديت مريولي العصر للخياط يصلحها

والصراحه لما يكون السحاب وراء الظهر وحتى وانتي جالسة ومستندة ظهرك للجداران في الفسحه ولا على الكرسي في الحصة السحاب يألم الظهر بقوة

وهذا غير الكبسوله اللي كل شوي والثاني يقطع شعري وينشب فيه وخاصة الظفاير ولما أجيب الظفاير على قدام تقولي المعلمة عارفين شعرك حلو بس رجعيها على الوراءههههههه
واضطرت أمي لخلع الكبسولة حتى ماينشب في شعري

أما موقف اللي ماأنساه في حياتي

صارت لي كثيير في وقت اللعب ومن قبل بعض الطالبات

لما تجي الوحده تمزح معي تشدني من طرف كتفي من المريول بقوه فينفتح السحاب بسرعه لإن الكبسوله مخلوعه
وبعدين تجلس تعتذر لي بس بعد وش

ومن ذاك الوقت وامي مستحييل تشتري لي مريول فيها سحاب
ودائماً تضحك وهي تذكرني بمعاناتي مع السحاب
ههههههه

» نظافة المدرسه من نظافتنا
» يا طالبات المدرسه تعالو ابيكم في كلمة